Әli Sarıkaya Donald Trampa uğurlar arzulayıb

Türkiyə Böyük Millət Məclisinin  Türkiyə-Amerika Birləşmiş Ştatları Parlamentlərarası Dostluq Qrupunun sədri Әli  Sarıkaya  Donald Trampın  prezident  seçilməsi ilə bağlı  Türkiyə və ABŞ arasındakı yaxın əməkdaşlığın  qarşıdakı dövrdə daha da güclənəcəyinə inandığını qeyd edib.

Əli Sarıkaya  verdiyi yazılı açıqlamada, seçki nәticәlәrinin ABŞ  xalqı üçün xeyirli vә uğurlu  olmasını arzulayıb.

İki ölkə arasında münasibətlərin qarşılıqlı maraq və  anlaşma əsasında qurulduğunu diqqətə çəkən Ә. Sarıkaya ikitərəfli münasibətlərin daha da möhkəmlənəcəyinə inandığını qeyd edib.

Ә. Sarıkaya  ABŞ-ın yeni  prezidenti D.Trumpa və yenidәn  formalaşan ABŞ Konqresinin üzvlərinə  uğurlar arzulayıb.