Prezident Ərdoğandan Aİ-na sǝrt reaksiya
Xalqların Demokratik Partiyası (HDP)-nin keçən həftə həbs olunan millət vəkilləri, biz gücümüzü PKK / PYD / YPG-dǝn alırıq deyirdilǝr. İndi bu terror tǝşkilatları gǝlib dǝ sizlǝri xilas etsindǝr dǝ görǝk: Ərdoğan
Prezident R.T.Ərdoğan, İstanbulda MÜSİAD Expo sərgisinin açılış mǝrasimindǝ etdiyi çıxışında: “Türkiyənin bu millət vəkillərinə Türkiyə Böyük Millət Məclisi (TBMM)-nin qapılarını açaraq siyasi fǝaliyyǝt aparmalarına zǝmin yaratdı. Lakin onlar TBMM-ǝ daxil olduqdan sonra meydan oxumağa başladılar. Türkiyǝ mǝhkǝmǝlǝrinin sorğu üçün göndǝrdiklǝri dǝvǝt mǝktublarına biganǝ qaldılar. Toxunulmazlığın lǝğv edilmǝsi halında mǝhkǝmǝnin dǝvǝtinǝ qeydsiz qala bilmǝyǝcǝklǝrini idrak etmǝdilǝr. Toxunulmazlığın lǝğ edildiyi andan etibarǝn sıravi bir vətəndaş olacaqlarını bilmǝdilǝr. İndi cǝrǝyan edǝn proses dǝ bundan ibarǝtdir. Onlar terrora qarşı mübarizǝ çǝrçivǝsindǝ lazımlı addımları atanların, tǝdbirlǝr görǝnlǝrin fǝaliyyǝtlǝrinǝ zǝrbǝ endirmǝyǝ sǝy etdilǝr. Bǝs mǝn dǝ indi deyirǝm ki, söykǝndiyiniz terror tǝşkilatları gǝlsin sizlǝri xilas etsin. Terrora dǝstǝyini inkar etmǝyǝn Avropa İttifaqı isǝ bu haqlı mübarizǝmiz qarşısında, Türkiyənin Avropa İttifaqına tam hüquqlu üzvlük müzakirǝlǝrini gözdǝn keçirǝ bilǝrik deyǝrǝk dırnaq arası tǝhdid yağdırır. Bǝn Aİ-na sǝslǝnirǝm: Geç qalmayın bu işi dǝrhal edin vǝ konkret qǝrara gǝlin. Lakin bunu bilmǝlisiniz ki, terrora qarşı mübarizǝmizǝ heç nǝ maneǝ törǝdǝ bilmǝyǝcǝk.Əslindǝ Aİ, müzakirǝlǝrǝ son qoyarsa, Türkiyədəki 3 milyon qaçqının özlǝrinǝ qaytarılabilǝcǝyindǝn narahatdır. Bizə sözdə insan hüquqları və demokratiya dərsi verən Qərbǝ belǝ bir sual verirǝm, illərdir Aralıq dənizi və Egeyin qaranlıq sularında ölǝn minlərlə mǝsum insan üçün bir qǝtrǝ göz yaşı axıtdınızmı?. Avropaya çatıb da hər cür zillətə məruz qalanları görmǝyǝnlǝr, söz mövzusu Türkiyǝ olduqda aslan olurlar. Lakin öz qǝddarlıqlarını gözdǝn yayındıraraq utanmadan bizi ittiham edirlǝr” deyǝ R.T.Ərdoğan deyib.
Qərb ölkǝlǝrinin terroristlərə qucaq açtıqlarını da xatırladan prezident hǝm PKK-nı terror təşkilatı elan edən, hǝm dǝ bu terror tǝşkilatının dırnaq arası liderlǝrinǝ, mǝnsublarına Avropa Parlamentinin qapılarını, koridorlarını açan zehniyyǝtin, qǝbul edilmǝz vǝ ikiüzlülük olduğunu ifadǝ edǝrǝk: “Sizǝ deyirǝm ki, dürüst olun vǝ dürüst siyasǝt izlǝyin. PKK mǝnsubu quldurlara qapılarını açan Qǝrb ölkǝlǝrinin idarəçiləri, prezidentləri, baş nazirləri, nazirləri bunu bilin ki terrorun sizi vuracağı gün dǝ gǝlib çatar”.
Әlaqәli Xәbәrlәr
Hakan Fidan Avropa ölkələrini Fələstini tanımağa çağırıb
Türkiyə Qəzza mәsәlәsi ilә bağlı görüşlәr keçirmәyә davam edir.