Mövlud Çavuşoğlu ‘‘Rossiya-24’’ televiziya kanalına müsahibә verdi
Türkiyәnin Xarici İşlәr naziri Mövlud Çavuşoğlu Ruriyanın ‘‘Rossiya-24’’ televiziya kanalına müsahibә verdi.
Türkiyәnin Xarici İşlәr naziri Mövlud Çavuşoğlu Ruriyanın ‘‘Rossiya-24’’ televiziya kanalına müsahibә verdi.
M.Çavuşoğlu müsahibә zamanı Rusiya-Türkiyə münasibətləri, Türkiyənin xarici siyasəti, terrorla mübarizə, Fətullahçı Terror Təşkilatının (FETÖ) çevriliş cəhdi vә Suriya böhranını qiymətləndirdı.
M. Çavuşoğlu Türkiyə və Rusiyanın Suriyada atəşkəsin әn qısa zamanda təmin olunması üçün səy göstәrdiyini və bu məsələ ilә bağlı danışıqların davam etdirildiyini bildirdi.
M. Çavuşoğlu hәmçinin Suriyada atəşkəsin siyasi yolla tәmin olunması məsələsində Rusiya ilə hәmfikir olduqlarını vurğuladı.
Bәşәr Əsədlə əsl siyasi dəyişiklikliyin olacağına inanmadıqlarını deyәn M. Çavuşoğlu: ‘‘Bizim fikrimizcә müxalifətin bundan sonra Əsədlə birləşməsi mümkün deyil çünki 500 mindən çox insanı öldürən rejimlə birləşmək istəmirlər" dedi.
Suriyada mötәdil müxaliflәrlә terror tәşkilatları fәrqlәndirilmәlidir deyәn M.Çavuşoğlu mötәdil müxalifәt qüvvәlәrinә verilən dəstəklә DAEŞ-in Cәrablus, Rai və Dabıkı tәrk etdiyini xatırlatdı.
Türkiyənin terror təşkilatlarına qarşı apardığı mübarizəsinin beynəlxalq hüquqa uyğun olduğuna diqqəti çəkən M. Çavuşoğlu:‘‘Bizim Suriya və İraqın torpaqlarında gözümüz yoxdur heç vaxt da olmayıb. Biz əksinə onların ərazi bütövlüyünü və suverenliyini müdafiə edirik’’ deyә bildirdi.
M.Çavuşoğlu Fәtullahçı Terror Təşkilatı Paralel Dövlət İdarәçiliyinin (FETÖ/PDY) iyulun 15-dә hәyata keçirdiyi dövlət çevrilişi cəhdindәn sonra verdiyi dəstəyə görə Rusiyaya təşəkkür edərək: "Hәr şeydən əvvəl Rusiyaya, cənab Putinə və Rusiya xalqına çox təşəkkür edirik" dedi.
M.Çavuşoğlu ‘‘ABŞ bizim müttəfiqimiz və bir çox sahədə əməkdaşlıq edirik. Amma Rusiya da bizim çox yaxşı dostumuzdur, qonşumuzdur və heç biri bizim üçün alternativ ölkә deyil. Biz qərblilər kimi ya o ya bu demirik’’ deyә bildirdi.
Türkiyə ilə Rusiya arasında baş verən təyyarə böhranından sonra Türkiyənin Rusiyaya qarşı sanksiya tətbiq etmədiyinə də diqqəti çəkən Çavuşoğlu Türkiyənin NATO ölkəsi olaraq Avropa İttifaqının və qərbin Rusiyaya tətbiq etdiyi beynəlxalq sanksiyalara da heç bir zaman qoşulmadığını vurğuladı.