R.T.Әrdoğan: "Mosul problemi həll olunana qədər biz oradayıq"
Türkiyәnin dövlәt başçısı Rəcəb Tayyib Ərdoğan İraqın Mosul şәhәrinin problemi hәll olunana qədər Türkiyənin Başikidan çıxmayacağını deyib.
Dövlәt başçısı R.T. Ərdoğan ötәn gün Türkiyәnin Rizә şәhәrindә ‘‘Rәcәb Tayyib Ərdoğan Universiteti’’ nin (RTEÜ) Konqres və Mədəniyyət Mərkəzində keçirilən 2016-2017-ci tәdris ilinin açılış mәrasimindә iştirak edib.
R.T.Әrdoğan mәrasimdәki çıxışı zamanı Mosul əməliyyatında masada Türkiyəni görmək istəməyənlərin hiyləgər planlar qurduqlarını söyləyib.
R.T. Ərdoğan Mosulda әrəb, türkmən və kürdlərin yaşadığını dilə gətirərək Mosula sızan terror təşkilatı DEAŞ ilə mübarizə edən koalisiya qüvvәlәrinin Türkiyənin İraq rəhbərlikdən icazə aldığı tәqdirdә terror təşkilatı DEAŞ-a qarşı mübarizәyә qoşula bilәcәyi ilә bağlı ifadәlәrinin qəbul edilmәz olduğunu vurğulayıb.
Türkiyәnin İraq rәhbәrliyinin tәlәbi ilә Başıka bazasını qurduğunu xatırladan R.T.Әrdoğan: ‘‘İndi dә Başıkadan çıxın deyirlәr. Ancaq Türkiyәnin belә bir niyyәti yoxdur’’ deyә qeyd edib.
R.T.Әrdoğan "Mosul problemi həll olunana qədər biz oradayıq" deyә vurğulayıb.
Әlaqәli Xәbәrlәr
Terrora qarşı mübarizə qətiyyətlə davam edir
Terrorla mübarizə həm ölkə daxilində, həm də sərhəddən kənarda qətiyyətlə davam edir.