Giresunda hәrbi helikopter qәzaya uğrayıb
Türkiyәnin Giresun şәhәrindә hərbi helikopterin qәzaya uğraması nәticәsindә 7 nәfәr hәyatını itirib, 8 nәfәr dә yaralanıb.
Türkiyәnin Giresun şәhәrindә hərbi helikopterin qәzaya uğraması nәticәsindә 7 nәfәr hәyatını itirib, 8 nәfәr dә yaralanıb.
Helikopterin göyərtəsində jandarma qüvvələrinin yüksək rütbəli zabitləri, onların həyat yoldaşları və uşaqlar olub.
Məlumata görə, nümayəndə heyəti hərbi jandarm mәntәqәlәrindә çәtin şәraitdә hәrbi xidmәtini yerinә yetirәn әsgәrlәr ilә hərbçilərin ailələrinə baş çəkməyə gedirmiş.
Hərbi personal və ailələrini daşıyan Sikorsky tipli hərbi helikopter Giresuna geri qayıdarkәn Alucra rayonunun Tohumluk kəndində yerli saat ilә 17:15 radələrində qәzaya uğrayıb.
Türkiyәnin Baş Qərargah Rәisliyindәn verilәn açıqlamada, helikopterin qәzaya uğraması nәticәsindә 7 nәfәrin hәyatını itirdiyi, 8 nәfәrin isә xәsarәt aldığı bildirilib.
Açıqlamada hәmçinin yaralananların bölgәdәki xәstәxanalara aparıldığı qeyd olunub.
Ramazan bayramı münasibətilə Giresunda olan Baş nazir müavini Nurettin Canikli Jandarm Bölgə Komandanlığına gedәrәk mətbuata qapalı görüş keçirib. Canikli təxminən 1 saat davam edən görüşdәn sonra Yağlıdərə Dövlət Xəstəxanasına gələrək yaralılara baş çәkib.
Canikli Giresun Dövlət Xəstəxanasında jurnalistlərə verdiyi açıqlamada qәzaya qeyri-sabit hava şəraitin səbəb olduğunu bildirib.
Dövlət başçısı Rəcəb Tayyib Ərdoğan qəza ilә bağlı Baş Qərargah Rəisi General Hulusi Akardan məlumat alıb.
Baş nazir Binali Yıldırım da Baş Qərargah Rəisi Hülusi Akar və Giresun Valisi Karahan ilә telefon әlaqәsi saxlayaraq hadisә ilә bağlı mәlumat alıb.
Yıldırım hadisә ilә bağlı jurnalistlәrә verdiyi açıqlamada qәzanın qeyri-sabit hava şәraiti sәbәbiylә olduğunu bildirib.