Millǝt vǝkillǝrinin toxunulmazlıq hüquqlarının lǝğvinǝ dair tǝklif
Seçki keçirilǝcǝyi tǝqdirdǝ seçilǝnlǝr toxunulmazlıq hüququnu yenidǝn ǝldǝ edǝcǝk.
Haqqında şikayǝt olan millǝt vǝkillǝrinin toxunulmazlıq hüquqlarının lǝğvini ǝhatǝ edǝn qanuna dǝyişiklik edilmǝsinǝ dair tǝklif Türkiyǝ Böyük Millǝt Mǝclisindǝ Konstitusiya Komissiyasında qǝbul edilib.
Әdalǝt vǝ İnkişaf Partiyası, Cümhuriyyǝt Xalq Partiyası vǝ Milliyǝtçi Hǝrǝkat Partiyası tǝklifin lehinǝ, Xalqların Demokratik Partiyası Komissiyası isǝ ǝleyhinǝ sǝs verib.
Buna görǝ, Türkiyǝ Böyük Millǝt Mǝclisindǝ qǝbul edildiyi tarixdǝ; haqqında şikayǝt olan millǝt vǝkillǝrinin toxunulmazlıq hüquqlarını nizamlayan qanuna dǝyişiklik edilǝcǝk vǝ qanunda yer tutan “seçkidǝn ǝvvǝl vǝ yaxud da sonra ittiham edilǝn bir millǝt vǝkili Mǝclisin qǝrarı olmadıqda saxlanıla, dindirilǝ vǝ hǝbs edilǝ bilmǝz” ǝsası tǝtbiq edilmǝyǝcǝk.
Qǝrar qüvvǝyǝ mindiyi tarixdǝn etibarǝn 15 gün ǝrzindǝ; Konstitusiya vǝ Әdliyyǝnin Birgǝ Komissiya Sǝdrliyindǝ, Türkiyǝ Böyük Millǝt Mǝclisi Sǝdrliyindǝ, Baş Nazirlikdǝ vǝ Әdliyyǝ Nazirliyindǝ mövcud olan toxunulmazlıq hüququnun lǝğvi barǝsindǝki qovluqlar ǝlaqǝli idarǝlǝrǝ geri qaytırılacaq.
Qanuna edilǝcǝk dǝyişikliklǝ bağlı tǝklif yayım tarixindǝ qüvvǝyǝ minǝcǝk vǝ referenduma tǝqdim edilǝcǝyi tǝqdirdǝ sǝsǝ qoyulacaq.
Seçki keçirilǝcǝyi tǝqdirdǝ seçilǝnlǝr toxunulmazlıq hüququnu yenidǝn ǝldǝ edǝcǝk.
Tǝklifin gǝlǝcǝk hǝftǝ Türkiyǝ Böyük Millǝt Mǝclisinin ümumi iclasına tǝqdim edilǝcǝyi gözlǝnilir.
Digǝr tǝrǝfdǝn toxunulmazlıq hüququnun lǝğvinǝ dair Mǝclis Sǝdrliyinǝ daha 19 tǝklif tǝqdim edilib. Bununla da hǝmin mövzuya dair tǝklif sayı 619-a çıxıb.
