İstanbulda dənizin altından piyada yolu

İstanbul Böyükşəhər Bələdiyyəsinin sədri Qədir Topbaş İstanbul Boğazında Üsküdar-Kabataş arasında dənizin altından piyada yolu inşa edəcəklərini bildirib.

2015-ci il Fəaliyyət Hesabatını bələdiyyə məclisinə təqdim edən Topbaş bəzi layihələr barədə ilk dəfə açıqlamalar verib. Bələdiyyə sədri investisiyaların böyük bir hissəsini nəqliyyat sahəsinə ayırdıqlarını, metroya üstünlük verdiklərini bildirib, İstanbul Hava Yolları şirkətini quracaqlarını qeyd edib: “İstanbula və Türkiyəyə yeni dəyər qazandıracağıq".