Orban İspanyanın məşhur qəzetlərindən olan ABC-yə verdiyi müsahi

Macaristanın baş naziri Viktor Orban güclü lider Rəcəb Tayyib Ərdoğana böyük sayğısı olduğunu bildirib.
Orban İspanyanın məşhur qəzetlərindən olan ABC-yə verdiyi müsahibəsində Türkiyəni dəyərləndirib.
Beynəlxalq media prezident Rəcəb Tayyib Ərdoğanı günahkar elan etsə də, ona böyük sayğı duyduğunu açıqlayan Orban-"Əğər Türkiyənin inkişafı istənilirsə, xoşlarına gəlsə də, gəlməsə də güclü bir liderə ehtiyac var. Avropa İttifaqında güclü idarəedicilər sevilmir, əksinə təhlükəli adlandırırlar. Zəif liderlər isə yaxşı qəbul olunur” ifadəsini işlədib.
Miqrant böhranına da toxunan Macarıstanın baş naziri Türkiyənin daxilində yer almadığı bir həllin mümkün olmadığını söyləyib.
Orban bildirib ki, Türkiyə, Avropa İttifaqının strateji tərəfdaşıdır. İndiki böhrana Türkiyəsiz həll tapmaq mümkünsüzdür. Türkiyə ile masa arxasına oturmazdan əvvəl Avropanın da Yunanistan sərhədlərini qoruması lazımdır. Əgər Şengen sistemi tam tətbiq edilərsə türklərlə keçiriləcək görüşlərdə hərəkət nöqtəsi olar.