Angela Merkel: "Türkiyǝyǝ daha güçlü dǝstǝk vermǝliyik"

Federal Mǝclisdǝki çıxışında immiqrant böhranına qarşı ǝmǝkdaşlıq haqda çağırış edǝn Merkel, “Türkiyə immiqrant böhranının həllində ǝsas rol oynayır. Qaçqın axınına nǝzarǝtin tǝmini üçün, Türkiyəyǝ dǝstǝyimiz artmalıdır. Yǝni Türkiyədəki qaçqınlara humanitar yardım vǝ bu ölkǝnin sərhədlərinǝ nǝzarǝtin tǝmini üçün Türkiyəyə dǝstǝk artırılmalıdır. İnsan qaçaqmalçılığına qarşı birgǝ mübarizǝ edilmǝlidir” deyǝ vurğulayıb.
Qaçqınların çoxunun Avropaya Türkiyə üzərindən daxil olduğuna diqqət çəkən Kansler Angela Merkelin sözlǝrinǝ görǝ Avropa İttifaqına üzv heç bir ölkǝ bu böhranı tǝk başına həll edəcək gücǝ sahib deyil.
Merkel, Problemin hǝlli üçün Türkiyǝ ilǝ ǝmǝkdaşlığa zǝrurǝt olduğunu da sözlǝrinǝ ǝlavǝ edib.
Digǝr tǝrǝfdǝn, Almaniya kansleri Merkelin Türkiyənin Avropa İttifaqına tam hüquqlu üzvlük müzakirǝlǝrini, davam edǝn bir proses olaraq xarektrizǝ etsǝ dǝ, millət vəkilləri, Ankaranın əhəmiyyətli bir strateji ortaq olduğunu vurğulayıblar.
Ankarada 10 oktyabrda törǝdilǝn xain hücumdan kədər duyduqlarını sǝslǝndirǝn millət vəkilləri, bununla Türkiyədəki demokratik və sülh mühitinin hǝdǝf götürüldüyünü qeyd ediblǝr.
Parlamentdə baş tutan iclasda hökumət şǝriki Xristian Birlik Partiyaları ilə Sosial Demokrat Partiya millət vəkilləri isǝ Merkelin Türkiyəyǝ edǝcǝyi sǝfǝrin ǝhǝmiyyǝtinǝ toxunublar.
İclasda çıxış edǝn Xristian Demokrat Birlik Partiyası Millət vəkili Andreas Nick da Türkiyənin Almaniya üçün imtina edilmǝz strateji tǝrǝfdaş olduğunu vurğulayıb.