Әrdoğan beynǝlxalq tǝşkilatları ǝdalǝtli olmağa çağırıb

Dövlǝt başçısı Rǝcǝb Tayyib Әrdoğan BMT başda olmaqla, beynǝlxalq tǝşkilatların ǝdalǝtsiz fәaliyyәt göstәrdiklәrini söylǝyib.
BMT Tǝhlükǝsizlik Şurasında veto hüququ olan dövlǝtlәrin haqsızlıqlara toxunan Әrdoğan deyib ki, dünya 5 dövlәtdәn ibarәt deyil. 196 ölkǝni 5 dövlәtin iaradәsindәn asılı etmәk olmaz. Buna heç kǝsin haqqı yoxdur.
BMT-dǝ müsǝlmanları tǝmsil edǝn veto hüququna sahib heç bir ölkǝnin olmadığını vurğulayan Әrdoğan qeyd edib ki, “bu sәbәbdәn biz dünyada ǝdalǝt var” deyǝ bilmǝrik.
Suriyada Әsǝd rejiminin qǝtliamlarına qarşı sǝssiz qalan BMT-ni tǝnqid edǝn Әrdoğan bildirib ki, 350 min insan qǝtlǝ yetirilib. 7 milyondan artıq insan didǝrgin düşüb. Lakin BMT-dǝ 2 ölkǝ- Çin vǝ Rusiya bu mǝsǝlǝnin hǝllini tapmasına mane olur.
Әrdoğan Birinci Dünya Müharibǝsindǝn sonra yaranan şǝrtlǝrin bu gün artıq hakim ola bilmǝyǝcǝyini, bunun hǝllinin vacibliyini dilǝ gǝtirib.