2014-cü ilin səfiri

  Bişkekdəki Türkiyə səfiri Metin Kılıç Qırğızıstanda "2014-ci ilin səfiri" oldu.

  Ölkənin dövlət mətbuat orqanı olan “Erkin Too” (Müstəqil Dağ) qəzeti "2014-ci ilin ən uğurlu adamları"nı təyin edib.

  Baş redaktor Nərgiz Mənsurova açıqlama verərək "ilin adamları"nı qəzetlər, internet saytları və poçt vasitəsilə gələn məktublar əsasında seçdiklərini bildirib. Mənsurova "2014-ci ilin səfiri" mükafatını Türkiyənin Qırğızıstan səfiri Metin Kılıça təqdim edib və onun bu vəzifəyə gəldiyi ilk gündən bu yana iki ölkə arasında gözəl əlaqələr yaratdığını vurğulayıb.

  Xatırladaq ki, Türkiyənin Bişkekdəki sǝfiri Metin Kılıç 1 ildir ki, Qırğızıstanda xidmət edir.