Mehmet Görmǝz, AFP-yǝ açıqlama verib

Fransada “Charliǝ Hebdo” jurnalının redaksiyasına edilǝn hücumu srağa gün mǝtbuat verdiyi açıqlamada pislǝyǝn Din İşlǝri İdarǝnin rǝhbǝri Mehmet Görmǝz, Fransanın qabaqcıl xǝbǝr agentliyi AFP-yǝ açıqlama verib.
Görmǝz, açıqlamasında bildirib ki, bu hücum İslamla birlikdǝ bütün dinlǝri hǝdǝf götürüb. Qǝtliam üçün İslami dǝyǝrlǝrin bǝhanǝ edildiyini görmǝk xeyli üzücüdür.
Hücuma dair sosial şǝbǝkǝlǝrdǝ sürǝtlǝ yayılan görüntülǝrdǝ, “Charliǝ Hebdo” jurnalının redaksiyasının güllǝlǝndiyi ǝsnada üzü maskalı şǝxslǝr tǝrǝfindǝn, “Allahu Әkbǝr”, “Mǝhǝmmǝd peygğǝmbǝrin intiqamını alacayıq” deyǝ sǝslǝnmǝlǝrinǝ dǝ reaksiya göstǝrǝn Görmǝz deyib ki, bu hücum sadǝcǝ jurnalda işlǝyǝnlǝri hǝdǝf götürmǝyib. Dünyada sülhǝ dǝyǝr verǝn bütün insanlara qarşı hǝyata keçirilmiş bir hücumdur. İslami simvollardan açıq şǝkildǝ bu aktı hǝyata keçirǝnlǝr tǝrǝfindǝn istifadǝ edilmǝsi, bir sıra faktların üstünün örtülmǝsi üçündür. “İnsanların fikirlǝrindǝ qarışıqlıq yaradılır. Biz Allahın sülh çağırışlarına, bu çağırışı insanlığa çatıran rǝhbǝrlǝr olaraq bütün peyğǝmbǝrlǝrǝ inanan insanlarıq.”-deyǝ Mehmet Görmǝz vurğulayıb.
Din İşlǝri İdarǝnin rǝhbǝri Mehmet Görmǝz, Fransanın qabaqcıl xǝbǝr agentliyi AFP-yǝ verdiyi açıqlamada ifadǝ azadlığına da diqqǝt çǝkǝrǝk deyib ki, insanların üstünlük verdiklǝri dǝyǝrlǝr mövzusunda diqqǝtli olunmalı vǝ onların qürurları incidilmǝmǝli, sǝhv sözlǝrdǝn istifadǝ edilmǝmǝlidir.
Son illǝrdǝ sürǝtlǝ artan İslamafobiyaya da diqqǝt çǝkǝn Görmǝz, “belǝ qǝtliamlarla İslami dǝyǝrlǝrdǝn istifadǝ edilǝrǝk İslam ǝleyhdarlığı Avropada tǝhrik edilmǝk istǝnir” deyib.