Çavuşoğlu, Ukraynaya gedəcək
Xarici İşlər naziri, Türkiyə-Ukrayna Yüksək Səviyyəli Strateji Şuranın toplantısında iştirak etmək üçün noyabrın 10-da Ukraynaya gedir.
Xarici işlər naziri Mövlud Çavuşoğlu, Türkiyə-Ukrayna Yüksək Səviyyəli Strateji Şuranın Ortaq Strateji Planlaşdırma Qrupunun 3-cü toplantısında iştirak etmək üçün noyabrın 10-da Ukraynaya gedir.
Nazirlikdən verilən məlumata görə, Çavuşoğlu və ukraynalı həmkarı Pavlo Klimkinin rəhbərliyi ilə keçiriləcək toplantıda Ukrayna ilə ikitərəfli əlaqələrin bütün aspektlərinin nəzərdən keçirilməsi və yeni əməkdaşlıq imkanları, Krım Tatar Türklərinin vəziyyəti ilə Ukraynanın şərqində son dövrdə yaşanan hadisələr başda olmaqla regional və beynəlxalq məsələlərə dair ətraflı fikir mübadiləsi aparılacaq.
Çavuşoğlunun səfəri çərçivəsində Ukrayna Dövlət Başçısı Petro Poroşenko tərəfindən qəbul edilməsi və Krım Tatar Türkləri liderləri ilə bir araya gəlməsi nəzərdə tutulub.
Bundan başqa Kiyev Milli “Taras Şevçenko” Universitetində "Türk Xarici Siyasəti, Ukrayna böhranı və Türkiyə-Ukrayna əlaqələrinə" dair konfrans keçiriləcək və səfir Ərtoğrul Apakanın icra etdiyi ATƏT-in Xüsusi Müşahidə Missiyasını ziyarət etməsinin nəzərdə tutulduğu bildirilir.
Әlaqәli Xәbәrlәr
“Pəncə-Kilid” əməliyyatı bölgəsində Türkiyə əsgəri şəhid oldu
Türkiyə Milli Müdafiə Nazirliyindən verilən açıqlamada bildirilib ...
“Bozdoğan-44” əməliyyatında 4 “narıncı” və “boz” zərərsizləşdirildi
Türkiyənin Daxili işlər naziri Əli Yerlikayanın sosial media hesabından verdiyi açıqlamaya görə ...