Türkiyədə seçki prosesi

Əkmələddin İhsanoğlu, Selahattin Demirtaşın ardınca Ədalət və İnkişaf Partiyasının prezidentliyə namizədi müəyyən oldu.
Baş nazir Rəcəb Tayyib Ərdoğan Türkiyənin 12-ci cümhurbaşqanını müəyyə edəcək seçkidə Ədalət və İnkişaf Partiyasının namizədi oldu.
Bu günə qədər 3 namizədin adının açıqlandığı prezident seçkiləri üçün sabah saat 17.00-da namizədlik müraciətləri üçün müddət sona çatacaq.
Mərkəzi Seçki Komissyası müraciətləri iyulun 5-də şənbə günü araşdırmağa başlayacaq və müəyyən olunan nöqsanların başa çatdırılması ilə bağlı tərəflərə yazılı bildiriş təqdim olunacaq. Nöqsanların başa çatdırılmasının ardınca prezidentliyə müvəqqəti namizədlərin siyahısı iyulun 8-də çərşənbə axşamı günü rəsmi qəzetdə dərc olunacaq.
Prezidentliyə qəti namizədlərin siyahısı isə iyulun 11-də cümə günü müəyyən olacaq və ardınca təşviqat dövrü başlayacaq.
İyulun 26-da gömrük qapılarında və Avqustun 3-də isə xarici nümayəndəliklərdə səsvermə prosesinə başlanılacaq. Avqustun 10-da bazar günü isə Türkiyə vətəndaşları 12-ci cümhurbaşqanını seçmək üçün seçki məntəqələrinə üz tutacaqlar. Seçkilərdə etibarlı səslərin tam əksəriyyətini qazanan namizəd prezident seçiləcək. İlk səsvermədə bu əksəriyyət təmin edilməsə Avqustun 24-də səsvermənin 2-ci turu keçiriləcək.
Bu turda isə ilk səsvermədə ən çox səs alan iki namizəd iştirak edəcək və etibarlı səslərin əksəriyyətini qazanan şəxs Çankaya Köşkündə oturacaq.