Başnazir Ərdoğan Almaniya’ya gedəcək

Başnazir Rəcəb Tayyip Ərdoğan sabah Almaniyaya səfərə gedəcək.

Kölnə səfərdən əvvəl baş nazirlə Almaniya kansleri Angela Merkel arasında telefon söhbəti olub. Almaniya kansleri Soma facisəsi ilə əlaqədar bir daha Rəcəb Tayyip Ərdoğana başsağlığı verib. Telefon söhbətinin əsas mövzusu Ukraynadakı vəziyyət olub. Angela Merkel və Rəcəb Tayyip Ərdoğan Krım tatarlarının gələcək taleyi ilə bağlı narahatlıqlarını dilə gətiriblər. Qeyd edək ki, baş nazir Rəcəb Tayyip Ərdoğan Kölnə səfəri zamanı Almaniyada yaşayan türklərlə görüşəcək və Lanxess Arenada qürbətçilər qarşısında çıxış edəcək.