Azərbaycan, Qazaxıstan, Qırğızıstan, Tacikistan və Özbəkistan birgə təlimə hazırlaşır

  Azərbaycan, Qazaxıstan, Qırğızıstan, Tacikistan və Özbəkistan silahlı qüvvələrinin birgə təlim keçirəcəyi açıqlanıb.

  Azərbaycan Müdafiə Nazirliyindən verilən məlumata görə, 5 ölkənin müdafiə nazirlikləri arasında imzalanmış birgə plana əsasən, Qazaxıstanın Aktau şəhərində "Birləşdik - 2024" əməliyyat-taktiki komanda-qərargah təliminin planlaşdırma konfransı keçirilib. Azərbaycan nümayəndə heyətinin də iştirak etdiyi konfransda təlimə hazırlıq və icra olunacaq tapşırıqlarla bağlı bir sıra məsələlər müzakirə olunub.

  Qeyd edək ki, 2024-cü ilin iyulunda Qazaxıstanın “Oymaşa” təlim poliqonu, eləcə də Xəzər dənizinin akvatoriyasındakı Tokmak burnunda keçiriləcək təlimlərdə “Silahlı münaqişələrin yerinin müəyyən edilməsi istiqamətində təlim-döyüş tapşırıqlarının icrası” üzrə fəaliyyətlər yerinə yetiriləcək.