Azərbaycan XİN Türkiyeyə başsağlığı verib

Azərbaycan Xarici İşlər Nazirliyi Türkiyeyə başsağlığı verib.

Bu barədə xarici siyasət idarəsi sosial şəbəkədə bildirib.

"Pençe-Kilit” əməliyyatında terrorçuların zərərsizləşdirilməsi zamanı qardaş Türkiyenin çox sayda şəhid verməsi xəbəri bizi dərindən sarsıtdı. Şəhidlərimizə rəhmət, yaralılara şəfa diləyirik. Hər zaman olduğu kimi, terrorla mübarizədə də Türkiyenin yanındayıq", - paylaşımda qeyd olunub.

Xarici işlər naziri Ceyhun Bayramov da sosial media hesabından etdiyi paylaşımda deyib:

“Pençe-Kilit” əməliyyatı zonasında qardaş Türkiyenin çox sayda şəhid verməsi bizi dərindən kədərləndirdi.

Bu kədərli gündə Şəhidlərimizə rəhmət, yaralılara şəfa diləyirik.

Terror təhdidinə qarşı apardığı haqlı mübarizədə daim qardaşlarımızın yanındayıq".