İlham Əliyev növbədənkənar prezident seçkilərinin elan edilməsi haqqında sərəncam imzalayıb

Azərbaycan Prezidenti İlham Əliyev növbədənkənar prezident seçkilərinin fevralın 7-də keçirilməsi haqqında sərəncam imzalayıb.
Sərəncama əsasən, Mərkəzi Seçki Komissiyası növbədənkənar Azərbaycan Respublikası Prezidenti seçkilərinin 2024-cü il fevralın 7-nə təyin olunmasını və Azərbaycan Respublikasının Seçki Məcəlləsində müəyyən edilmiş qaydada keçirilməsini təmin etməlidir.
Qeyd edək ki, Azərbaycanda prezident seçkiləri sonuncu dəfə 2018-ci il aprelin 11-də keçirilib.