İlham Əliyev Bakıda keçirilən beynəlxalq konfransın iştirakçılarına müraciət ünvanladı

Azərbaycan Prezidenti İlham Əliyev bildirib ki, Fransada irqçilik və İslamofobiya geniş vüsət alsa da, Fransa rəsmiləri başqa ölkələrə dərs verməyə, başqa ölkələrin daxili işlərinə qarışmağa çalışır.
Prezident İlham Əliyev paytaxt Bakıda "Neokolonializm: İnsan Hüquqlarının Pozulması və Ədalətsizlik” mövzusunda keçirilən beynəlxalq konfransın iştirakçılarına müraciət ünvanlayıb.
İlham Əliyev mesajında ​​Azərbaycanın bugünkü dünyada müstəmləkəçiliyin davam etməsindən və yeni formaların ortaya çıxmasından çox narahat olduğuna diqqət çəkib və qeyd edib ki, müstəmləkəçiliyi davam etdirən ölkələrdən biri də Fransadır.
İlham Əliyev Fransanın 20-ci əsrdə Polineziyada 200-ə yaxın, Əlcəzairdə isə 17 nüvə sınağı həyata keçirdiyini və onların təsirlərinin bu gün də həmin coğrafiyalarda hiss olunduğunu bildirib.
İlham Əliyev deyib: “Nüvə sınaqlarının həmin bölgələrə vurduğu zərər müəyyən edilməli və Fransa təzminat ödəməlidir”.
Fransanın Əlcəzairdə 132 illik işğal dövründə 1,5 milyondan çox insanı qətlə yetirdiyinə diqqət çəkən İlham Əliyev, Fransa işğalının təsirlərinin bu gün də Mərakeş, Tunis, Mali, Cibuti, Nigeriya, Çad, Seneqal, Komor, Vyetnam və Haiti kimi ölkələrdə hiss olunduğunu bildirib.
Ruanda soyqırımına görə Fransanın məsuliyyət daşıdığını deyən Azərbaycan Prezidenti deyib: "İkiüzlü siyasət yürüdən Fransa özünü bölgəmizdəki milli azlıqların müdafiəçisi kimi göstərməyə çalışır. Fransada irqçilik və İslamafobiyanın geniş vüsət aldığını görürük. Fransada irqçilik və İslamofobiya geniş vüsət alsa da, Fransa rəsmiləri başqa ölkələrə dərs verməyə, başqa ölkələrin daxili işlərinə qarışmağa çalışır''.