Azərbaycan XİN: Pakistanda baş verən terror aktını şiddətlə qınayırıq

Azərbaycan Xarici İşlər Nazirliyi (XİN) Pakistanda baş verən terror aktını pisləyib.

Bu barədə nazirlik öz tviter səhifəsində yazıb.

“Biz Bajaurda siyasi konqresdə törədilən terror aktını şiddətlə qınayırıq. 40 nəfərin ölümü, yüzdən çox insanın yaralanması ilə nəticələnən bu terror aktına qarşı qardaş Pakistanın yanındayıq.

Hökumətə, həlak olanlara və onların ailələrinə başsağlığı veririk”, – bəyanatda deyilir.