Azərbaycanda daha 33 nəfər koronavirusa yoluxub, 62 xəstə sağalıb

Azərbaycanda son 24 saatda 33 nəfərdə koronavirus aşkarlanıb, 3 nəfər həyatını itirib, 62 isə nəfər sağalıb. 

TRT-nin Bakı təmsilçiliyinin verdiyi məlumata görə, Azərbaycanda son 24 saat ərzində 33 yeni koronavirus (Covid-19) infeksiyasına yoluxma faktı qeydə alınıb, 3 nəfər həyatını itirib, 62 nəfər isə müalicə olunaraq sağalıb və evə buraxılıb. Bu rəqəm aprelin 17-də 57, 16-da isə 30 olub.

 Azərbaycanda indiyədək 1373 nəfərin koronavirus infeksiyasına yoluxması faktı müəyyən edilib. Yoluxanlardan 590 nəfər müalicə olunaraq sağalıb, 18 nəfər vəfat edib, 765 nəfərin xüsusi rejimli xəstəxanalarda müalicəsi davam etdirilir. 

Ötən müddət ərzində yeni yoluxma hallarının müəyyənləşdirilməsi ilə əlaqədar aparılan test sayı 86 minə çatıb.