Qazaxıstan 66 milyon ton neft ixrac edib
“2018-dǝ 11 ay ǝrzindǝ 66 milyon ton neft ixrac etdik”. Bunu Qazaxıstan Enerji naziri Kanat Bozumbayev deyib.
Kanat Bozumbayev, Kabinet yığıncağında etdiyi çıxışında yanvar-noyabr aylarında enerji sektoru ilǝ bağlı fǝaliyyǝtlǝrǝ toxunub. O bildirib ki, Neft hasilatı ötən ilin müvafiq dövrü ilə müqayisədə 4,9 faiz artaraq 82,4 milyon ton olub".
Cari ilin 11 ayında 66 milyon ton neft ixrac edildiyini ifadǝ edǝn Bozumbayev, bu miqdarın ötǝn ilin müvafiq dövrünǝ müqayisǝdǝ 3,8% çox olduğunu vurğulayıb.
Bozumbayev qeyd edib ki, yanvar-noyabr aylarında ölkədə 50,5 milyard kubmetr təbii qaz hasil olunub (bu il proqnozlaşdırılan 53,4 milyard kubmetri idi). Bu da ötən ilin eyni dövründəkindən 4,8% çoxdur.
Nazirin sözlǝrinǝ görǝ Təbii qaz ixracı, keçən ilin eyni dövrünə görə 14% artımla, 17,9 milyard kubmetr olub. Bozumbayev əlavə edib ki, ölkədə 19,6 min ton uran istehsal olunub.
Qazaxıstanın neft və təbii qaz ixrac etdiyi ölkǝlǝr arasında İtaliya, Hollandiya, Fransa, İsveçrə və Avropa İttifaqı üzvü digǝr ölkǝlǝr eləcə də Özbəkistan, Belarusiya, Qırğızıstan, Rusiya iştirak edir.
