Tatarıstanın dövlət başçısı Ankarada rəsmi səfərdədir

Tatarıstanın dövlət başçısı Rüstəm Minnixanov Ankaraya rəsmi səfər etdi.

Minnixanov jurnalistlərə müsahibə verərək, səfəri çərçivəsində həm Ankarada, həm də İstanbulda görüşlər keçirəcəyini bildirdi, İstanbulda sabah keçiriləcək Türkiyə-Tatarıstan İş Forumunda yeni əməkdaşlıqlara başlayacaqlarına ümid etdiklərini qeyd etdi.

Minnixanov Türkiyə iş adamlarının Tatarıstanın ən böyük sərmayəçiləri olduğunu bildirərək: "Bunu ortaq tariximiz, dilimiz və dinimizə də borcluyuq. Beləliklə, dostluğumuz əsrlərlə davam edir" dedi.

Tatarıstanın dövlət başçısı bu gün Tatarıstanda Ana Dili Bayramı olduğunu xatırlatdı və sözünə belə davam etdi: "Ana Dili Bayramımız məşhur şairimiz Abdulla Tukayın xatirəsinə həsr olunub. Hər halda bu, yalnız Tatar xalqının deyil, bütün Türk xalqının bayramıdır. Abdulla Tukayın adına İstanbulda park, Ankarada prospekt var. Bunlara görə Türkiyəyə minnətdarıq".