Ermənistan silahlı qüvvələri Azərbaycan mövqelərini atəşə tutdu
Ermənistan silahlı qüvvələrinin bölmələri tərəfindən iriçaplı silahlardan, o cümlədən 82 və 120 millimetrlik minaatanlardan istifadə edilməklə Azərbaycan mövqeləri atəşə tutulub.
Ermənistan silahlı qüvvələrinin bölmələri tərəfindən iriçaplı silahlardan, o cümlədən 82 və 120 millimetrlik minaatanlardan istifadə edilməklə Azərbaycan mövqeləri və cəbhənin Tərtər, Ağdam və Füzuli rayonları ərazisində bir sıra yaşayış məntəqələri atəşə tutulub.
Bu barədə Azərbaycan Müdafiə Nazirliyindən verilən məlumatda bildirilib. Məlumatda qeyd olunub ki, Silahlı Qüvvələrin şəxsi heyəti və mülki əhali arasında itki yoxdur.
Azərbaycan Silahlı Qüvvələrinin ön xətt bölmələrinin adekvat cavab tədbirləri nəticəsində qarşı tәrәf susdurulub.
Azərbaycan Müdafiə Nazirliyi xəbərdar edir ki, Ermənistan silahlı qüvvələri bölmələrinin bu cür təxribatları təkrarlanarsa, Azərbaycan Silahlı Qüvvələri uzaq məsafədəki hədəfləri vuran artilleriya sistemlərini tətbiq etməklə düşmən müdafiəsinin dərinliyindəki yaşayış məntəqələrini atəşə tutacaq.