Tarixdə bu gün: 13 mart
Tarixin bu günü harada nələr baş verib, kimlər xatırlanır? Qısaca nəzər salaq.
![Tarixdə bu gün: 13 mart](http://cdn.trt.net.tr/images/xlarge/rectangle/e7d9/7a8c/6c49/5e6200950d67e.jpg?time=1722043829)
***
624-cü ildə bütpərəst məkkəlilərin ziyarətə gələn müsəlmanları zorla şəhərdən çıxarmaları və onların mallarını qarət etmələri nəticəsində müsəlmanlar və inancsız məkkəlilər arasında Bədr Müharibəsi baş verdi. Mədinənin 160 kilometr cənub-qərbindəki su quyuları ətrafında gedən savaşda 305 adamdan ibarət olan müsəlman döyüşçü təxminən 1000 nəfərlik düşmən ordunu məhv etdi və 13 martda müharibəni qazandılar.
***
Sultan Süleyman Qanuninin əmrindəki Osmanlı ordusu 1552-ci ilin 13 mart tarixində paytaxt Belgradı ələ keçirərək Macarıstanı aldı.
***
Günəş sisteminin yeddinci planeti olan Uran alman mənşəli İngiltərə astronomu Uilyam Gerşel tərəfindən 13 mart 1781-ci ildə kəşf edildi.
***
1840-cı ilin 13 martından başlayaraq 30 il ərzində (1870) Osmanlı imperiyasındaHicri təqvimi ilə yanaşı Rumi təqvimi də işlədilməyə başlandı.
***
13 mart 1940-cı ildə Sovet ordusunun Finlandiyaya hücumu ilə başlayan Qış döyüşü Finlandiyanin təslim olması və Moskva Sülh Müqaviləsi ilə sona çatdı.
***
1964-cü ilin 13 martında Türkiyə Birləşmiş Kipr Dövlətinin başçısı Makariosa nota verdi. Notada bildirilirdi: “Kiprdə rumların türklərə qarşı hücumlarına son qoyulmazsa, Türkiyə qaranti haqqlarından istifadə və adaya müdaxilə edəcək.
***
2013-cü il 13 martda argentinalı kardinal Xorqe Mario Berqolio (Jorge Mario Bergoglio) katolik dünyasının 266-cı Papası seçildi.
Berqolio 1000 illik Avropa tarixində xaricdən seçilən və Latın Amerikasından olan ilk Papa sayılır.
***
13 martda həm də bu tarixi şəxsiyyətlər xatırlanır.
Böyük ingilis təbiətşünası Çarlz Darvin (Charles Robert Darwin) 1809-cu ilin bu günü dünyaya gəlib.
Darvinin təkamül nəzəriyyəsi 19-cu əsrdə təbiətşünaslıqda əsl inqilaba səbəb olub.
Bu nəzəriyyə istər öz dövründə, istərsə də bu gün kəskin tənqid edilməkdədir. (1809-1882)
***
Sovet dövrünün məhşur pedaqoqu və yazıçısı Anton Makarenko 1888-ci ilin 13 martında anadan olub.
Pedoqoji fəaliyyətə 22 yaşında (1910) başlayan Makarenkonun “Pedoqoji poema”, “Valideynlər üçün” kitabları bütün dünyada tanınır.
Anton Makarenko 1930-cu ildə Azərbaycanda olub və “30-cu ilin marşı” povestində Bakı ilə bağlı xatirələrini qələmə alıb. (1888-1939)
***
Әlaqәli Xәbәrlәr
![Tarixdə bu gün: 19 may](http://cdn.trt.net.tr/images/medium/rectangle/1bfe/5ac1/d6fd/5ebf91beb0e56.jpg?time=1722043829)
Tarixdə bu gün: 19 may
Tarixin bu günü harada nələr baş verib, kimlər xatırlanır? Qısaca nəzər salaq.
![Tarixdə bu gün: 9 may](http://cdn.trt.net.tr/images/medium/rectangle/3273/793f/588e/5eafdc70496c8.jpg?time=1722043829)
Tarixdə bu gün: 9 may
Tarixin bu günü harada nələr baş verib, kimlər xatırlanır? Qısaca nəzər salaq.