Qәhraman qadınlarımız:Jülidә Gülizar

Kitablarımı çantama qoydum. Paltomu geyinib evdəkilərə :“Mən gedirəm. Axşam görüşərik!” deyə səsləndim. Anam dərhal qapıya tərəf gəldi və dedi:"Eylul, sən evə gəlməzdən əvvəl nənənə, babana baş çək.  Sənin üçün çox darıxıblar". "Ana, bilirsən ki, mən çox məşğulam" dedim və evdən çıxdım. Tələsirdim, avtobusa minib kitabxanaya getməliydim.

Avtobus dolu idi. Dayanacaq yeri çətinliklə tapdım və düz sürücünün yanında dayandım. Diqqətimi çəkən isə məndən bir addım qabaqda oturub qucağındakı kədərli görünən qıza gülümsəyərək təsəlli verən yaşlı bir xanım idi. Sonra yanımdakı bir kişinin mobil telefonu zəng çaldı. “Salam, baba. Sabah sizi xəstəxanaya müayinəyə aparacağam... Xatırlatmaq istədim. "Yaxşı, onda sabah görüşərik" dedi və telefonunu söndürdü. Maraqlıdır ki, ətrafımdakı hər kəs və hər şey mənə nənəmi, babamı xatırladırdı. Maraqlıdır, onlar necədirlər? Birdən avtobus sürücüsü radionun səsini açdı və fikir  məni apardı. Təcübləndim. Bu nənəmin və babamın ən sevdiyi TRT diktoru Jülidə Gülizarın səsi idi!

TRT-nin və Türkiyenin ilk xəbər aparıcılarından biri olan Jülidə Gülizara  nənəm və babam gözəl və səlis türkcəsinə görə heyran idilər. Dərin və xarakterik səsi var idi.

1929-cu ildə Adanada dünyaya gələn Jülidə Gülizar ibtidai və orta məktəbi Mersində, orta təhsilini Ankara Qız Liseyində tamamlayıb.  1956-cı ildə isə  Ankara Universitetinin hüquq fakültəsini bitirib.

Bizimkilərin verdiyi məlumata görə, onun əsl soyadı Göksan olub. O, gənclik illərində şeir yazmağı çox sevirdi və bu şeirlər altında ailə qursa belə dəyişməyəcək soyaddan istifadə etmək istədiyi üçün Gülizar soyadını seçib. Sonrakı illərdə də ondan istifadə etməyə davam etdi.

Nənəm hətta buna görə ona heyran idi. Həmişə öz ayaqları üzərində dayanan qadınlara heyran idi  və mənə  də bunu öyrətməyə çalışırdı.

Gənc Gülizar hüquq stajını bitirdikdən sonra öz peşəsini icra etmədi və elə həmin il TRT-yə tabe olan  Ankara Radiosunda işləməyə başladı.

1968-ci ildə TRT televiziya yayımına başlayanda kanalın ilk xəbər aparıcılarından biri oldu. Bununla da kifayətlənmədi iş həyatı boyu “ilk canlı yayım”, “ilk müsahibə” kimi bir çox yeniliklərə imza atdı. TRT-də 30 il çalışdıqdan sonra 1982-ci ildə təqaüdə çıxsa da, öz işini davam etdirdi və bir sıra agentlik və yayım təşkilatlarında yazıçı, reportyor və təlimçi kimi fəaliyyət göstərdi..

O, türkcənin düzgün istifadəsinə həmişə böyük əhəmiyyət verib. Babam radioda onun səsini eşidəndə “Türk dilinin kraliçası'' deyərək  diqqətlə qulaq asardı. O an evdə iş görülməzdi, hamı radionun ətrafına yığışıb xəbərləri dinləyərdi.

Diqqətlə diqqətimi radioya yönəltdim və Jülidə Gülizarın 2011-ci ildə dünyasını dəyişdiyini öyrəndim. Bunu öyrənəndə özümü qəribə hiss etdim və öz-özümə ''Nənəmlə babamı ən qısa zamanda ziyarət etməliyəm'' deyə düşündüm. Dərhal onların yanına getdim və hər birini qucaqladım.

Babam dedi ki, ''səni görmək çox xoşdur, amma sənə nəsə olub''. “Mən yaxşıyam. Bu gün anladım ki, sizin üçün çox darıxmışam'' dedim. ''Bizi ziyarət etsən də, etməsən də bizi sevdiyini bilirik'' dedi nənəm. Sonra mənim əlimdən tutub dedi: “Yenə də gəldiyinə görə çox şadam, çünki bu gün nədənsə bütün günü səninlə bağlı xatirələrim yadıma düşdü. Jülidə Gülizarın səsini babanla radioda eşitdik! Kiçik olanda onu necə təqlid etdiyini xatırladım. Həmin an sənin üçün nə qədər darıxdığımı anladım.

İkimizin də gözümüz doldu və bir-birimizi qucaqladıq. Sonra nənəmin ləzzətli peçenyelərini yeyərkən keçmiş günlər və Jülidə Gülizar barədə danışdıq.

Hekayəmizi sevdiklərimizə, həmçinin  TRT və Türkiyenin ilk xəbər aparıcılarından biri olan Jülidə Gülizara həsr etmək istərdik.