Yolda cib telefonu istifadə etməməliyik, çünki …
... Qulaqlıq və mikrofon vasitəsilə telefon zəngləri etmək də bu problemin tam həllini təmin etmir
Yolda telefondan istifadə etməyin zərərləri
Bu gün sizə hazırda həyatımızın əvəzolunmaz əşyası olan mobil telefondan danışacağıq. Amma söhbətimiz inkişaf edən mobil telefon texnologiyasından yox, diqqətli olmasaq, ölümcül təhlükələrə səbəb ola biləcək mobil telefonlardan yolda istifadədən gedəcək. Biz cib telefonunu yolda istifadə etməməliyik, çünki...
Yolda olmaq özü diqqəti bölən bir hərəkətdir. Beynimiz fərqli bölgələrdən gələn siqnallara diqqətimizi ayıq saxlamaq üçün normaldan daha çox işləyir. Sürücülər eyni vaxtda pedala basmaq, sükanı saxlamaq, güzgüləri yoxlamaq, yol vəziyyətinə nəzarət etmək kimi bir çox işi eyni vaxtda yerinə yetirir. Avtomatik görünən bu işlər əslində beynimizin o anda qərar verdiyi və əllərimizə, gözlərimizə ötürdüyü əmrlərlə həyata keçirilir. Beynin eyni anda idarə etməyə çalışdığı bu kompleks fəaliyyət zamanı sürücülükdən başqa elementlərin işə düşməsi beynimiz üçün əlavə bir vəzifə olur. Mexanik qurğular kimi, beyin öz gücündən artıq yükləndikdə, o, normal işləmə qaydasından çıxır və nasazlıq əlamətləri göstərir.
“Niyə maşın sürərkən telefonda iki dəqiqə danışınca beynim yorulur?” sualına cavab verək. Araşdırmalar göstərir ki, telefonla danışan sürücülər təhlükəli vəziyyətləri tanımaqda və ona uyğun tədbir görməkdə telefonla danışmayanlara nisbətən daha çox çətinlik çəkir. Beyin və bədənin daimi koordinasiyada olduğu bir vəziyyətdə - avtomobil sürərkən qarşılaşa biləcək hər hansı bir risk qarşısında bir saniyədən az müddətdə müdaxilə etmək həyati əhəmiyyət daşıyır. Beyni telefon zəngləri ilə məşğul etmək normal olaraq daha qısa müddətdə bədənə ötürülən əmrlərin yavaşlamasına səbəb olur.
Qulaqlıq və mikrofon vasitəsilə telefon zəngləri etmək də bu problemin tam həllini təmin etmir. Araşdırmalar müəyyən edib ki, sürücülərin əllərini məşğul etməsə də, telefon danışıqlarının məzmunu diqqəti yayındırır. Gündəlik söhbətlər təxminən 20, daha çox zehni fəaliyyət tələb edən danışıqlar isə 30 faiz diqqəti yayındırır. Bundan əlavə, avtomobil sürərkən telefonla danışmaq bütün dünyada “yol hərəkəti qaydası pozuntusu” sayılır və cəzalandırılır. Beləliklə, həm özümüz, həm də başqalarına zərər verməmək üçün biz cib telefonunu yolda istifadə etməməliyik.
