Uzun illər sultanlara, sədrəzəmlərə, paşalara ev sahibliyi edən Mihrabat bağı

"Gezgin" adlanan qayığımızın istəkli sərnişinləri İstanbuldakı səyahətimiz davam edir. Bu gün şəhərin xaosundan çox qısa müddətdə uzaqlaşmanıza imkan verən Anadolu hissəsində yerləşən Beykozu gəzəcəyik.

Qayığımızla Beykozun gözəl sahillərində irəliləyəcəyik. Gözəl tarixi malikanələr yol boyu bizi müşayiət edəcək. Kanlıca körpüsündə qayığımızı lövbər salıb, Boğazın Anadolu hissəsindəki ən gözəl bağlardan biri olan Mihrabat bağına gedəcəyik. Buradan bağa tərəf on dəqiqəlik piyada gedəcəyik.

Mihrabat bağı uzun illər sultanlara, sədrəzəmlərə, paşalara ev sahibliyi edən bir yerdir; Musiqi alətləri ilə Sultana məxsus qayıqların boğaz əyləncələrinə ev sahibliyi edirdi. Bu gün bağ şamları, sərvləri və qorunan tarixi çinarları olan kiçik yaşıl meşəni xatırladır. Yerləşdiyi yerə görə buradan Boğazın hər iki tərəfini izləmək mümkündür.

Budur, küçənin qarşı tərəfində görünən yerlər: Bəbək çimərliyi, Rumeli qalası və Emirgan. Mihrabat bağı həm də möhtəşəm mənzərəsi ilə şairlər üçün ilham mənbəyi olub. Meşədə üç kilometrlik piyada zolağı və uşaqlar üçün maarifləndirici tədbirlər var. Buna görə də istanbullular həftə sonlarını keçirmək üçün çox vaxt Mihrabat bağını üz tuturlar.

Fərqli bir zaman və fərqli bir yerdə hiss etddirən bu gözəl bağdan ayrılmağın vaxtı gəldi. İndi yavaş-yavaş Kanlıca körpüsündə bizi gözləyən "Gəzgin" qayığımıza tərəf yola düşək. Amma Kanlıcanın məşhur qatıqının dadına baxmadan buradan ayrılmayacağıq. Osmanlı dövründə bıçaqla kəsilərək şəkər tozu ilə istehlak edilirdi.

Boğazın mavi sularında səfərimiz davam edir. Əminəm ki, möhtəşəm malikanələr sizin də diqqətinizi cəlb etdi. İndi hədəfimiz İstanbulun ən məşhur sahil rayonlarından biri olan Anadolu hasarıdır. Qarşınızda dayanan Anadolu hasarı bu rayona adını qoyub. Biz körpüyə yaxınlaşanda sizə hasar haqqında məlumat verim.

Anadolu hasarının yerləşdiyi qədim dövrdə Zevs və ya Yupiter məbədinin olduğu şayiələri var. Lakin indiyədək yalnız bir sütun başlığı tapılıb və bu sütun başlığının hansı struktur və dövrə aid olduğu barədə məlumat yoxdur. İstanbulun minlərlə il ərzində yaşadığı zəlzələləri nəzərə alsaq, burada başqa heç bir arxeoloji tapıntıya rast gəlinməməsi təəccüblü deyil.

Sonrakı illərdə Anadolu hasarı hücum qalasına çevrilib.

İstanbulun fəthindən sonra hasar dənizdən tərəf hücumlara qarşı öz funksiyasını davam etdirib. Osmanlı İmperiyası Qara dənizə tam hakim olduqdan sonra əhəmiyyətini itirib. Hasarın əsl qala hissəsi gördüyünüz qüllədir, dörd mərtəbədən ibarətdir. Muzey, sərgi və mədəniyyət sahəsi kimi istifadə edilən Anadolu hasarını gəzməyə başlayaq. Dənizdən gördüyümüz tarix qoxuyan bu möhtəşəm tikiliyə daha yaxından nəzər salaq.

Hasardan çıxıb biraz da bu sakit və cəlbedici rayona baş çəkəyin. Yoxuş yolu qət edib, yuxarı qalxaq. Bu dar küçələrdə Osmanlı dövrünə aid bir-iki taxta ev görəcəyik. Bir dövrə şahidlik edən bu evlərin qarşısında