Türkiyedə ən çox istehlak edilən yeməklərdən birinin “Adana kababı” olduğunu bilirsinizmi?

Türkiyedəki restoranlarında ən çox bişirilən və istehlak edilən yeməklərdən birinin “Adana kababı” olduğunu bilirsinizmi?

Adana kababı türk mətbəxinin ən məşhur yeməklərindən biridir və Türkiyenin cənubundakı Adana şəhəri ilə eyniləşdirilir. Şöhrəti Türkiyenin hüdudlarından kənara çıxan bu yemək bu gün bir çox ölkədə istehlak edilir.

Türk dilinə ərəb dilindən daxil olan “kabab” sözü susuz qabda və ya odda bişirilmiş ət deməkdir. Adananın mərkəzində yerləşən Çukurova bölgəsində uzun müddətdir kabab hazırlanır. Təxminən 4000 il əvvələ aid bəzi arxeoloji tapıntılar göstərir ki, o vaxtlar bu bölgədə  ət şişlərdə və ya odda bişirilirdi. Bugünkü Adana kababı 19-cu əsrin ikinci yarısında Adananın tarixi bazarı olan Kazancılar bazarında bişirilib.

Adana kababını digər kabablardan fərqləndirən bir xüsusiyyət də onun hazırlanmasında istifadə edilən ətdir. Əti təbii mühitdə və özünəməxsus florasına malik rayonun yaylalarında yetişdirilən erkək qoyunlardan əldə edilir.  Adana kababında istifadə edilən ət, Adanaya xas olan “zırh” adlanan bıçaqla doğranır. Doğranmış ətə quzu quyruğundan alınan yağ, pul bibər və duz əlavə edilir. Başqa ədviyyatlardan istifadə edilmir. Hazırlanan qiymə xüsusi kabab şişlərə çəkilir və odun odunda bişirilir. Adana kababı həmişə sumaqlı soğan salatı və yaşıl salat ilə süfrəyə verilir. Adana kababı standartlarını qorumaq üçün Türkiye Patent və Ticarət Nişanı İdarəsi tərəfindən qeydiyyata alınaraq coğrafi göstərici alıb.