Çanaqqala
Türkiyәnin şimal-qәrbindә yerlәşәn Çanaqqala şәhәri Avropa ilә Asiya qitәlәrini bir-birindәn ayıran boğazın hәr iki sahilindә qurulub.
Türkiyәnin şimal-qәrbindә yerlәşәn Çanaqqala şәhәri Avropa ilә Asiya qitәlәrini bir-birindәn ayıran boğazın hәr iki sahilindә qurulub. Şәhәr Anadolu ilә Trakyanın birlәşdiyi bölgәdә yerlәşir. Şәhәr olduqca şanlı tarixә malikdir.
Çanaqqala boğazı Anadolu ilә Avropa, Aralıq ilә Qara dәnizlәrini bir-birinә bağlayan iki keçid bölgәsindәn biridir. Bu sәbәblә şәhәr tarix boyu müxtәlif köç vә istilalara mәruz qalırdı.
Bölgә müxtәlif tarixlәrdә xarici qüvvәlәrin hücumlarına mәruz qalıb. Şәhәrdә müxtәlif sivilizasiyalara mәxsus izlәrә rast gәlmәk mümkündür. Fatih Sultan Mehmetin hakimiyyәti dövründә Çanaqqala boğazının hәr iki tәrәfindә qalalar inşa olunub.
E.Ә 1200-cü illәrdә bölgәdә Troya xalqı yaşayıb. Troya müharibәsi dövründә bölgәyә müxtәlif tayfalar yerlәşib. Daha sonra Anadolunun tarixinә qara lәkә kimi düşәn günlәr başlayıb. Bölgә sonra sırayla Lidiya Krallığının, Farsların, Makedoniya Krallığının, Roma vә Bizans İmperiyasının hakimiyyәtinә keçib. Osmanlı dövlәtinin güclәnmәsi ilә bölgә Osmanlı İmperiyasının nәzarәtinә keçib.
Çanaqqala şәhәrinin adı Çanaqqala müharibәsi kimi yaddaşlara әbәdi hәkk olunub.
Birinci Dünya Müharibәsi zamanı Çanaqqala boğazını keçmәk, İstanbulu әlә keçirmәk vә Qara dәnizә daxil olmaq istәyәn ingilis vә fransızlar Çanaqqala boğazını mühasirәyә alıb. Türk ordusunun apardığı amansız mübarizә nәticәsindә düşmәn qüvvәlәri boğazı keçә bilmәyib. Qurudan vә dәnizdәn edilәn hücumların qarşısı alınıb. Türk ordusunın canları bahasına apardığı qanlı mübarizә ölkә tarixinә qızıl hәrflәrlә yazılıb.
Birinci Dünya Müharibәsinin әn qanlı toqquşmalarının yaşandığı Qelibolu yarımadası milli parkı müharibә muzeyinә bәnzәyir. Parkda vәtәnlәrini canları bahasına müdafiә edәn qәhraman әsgәrlәrin abidәsi ucaldılıb. Parkda hәmçinin işğalçı qüvvәlәrin әsgәrlәrinin abidәlәri dә ucaldılıb.
Çanaqqala müharibәsinin izlәrinә şahid olmaq istәyәnlәri Çanaqqalaya dәvәt edirik.
Anzak kәndi, Kilitbahir qalası, Namazgah İstehkamı, Conbayiri, Yalnız Çam abidәsi, Şәhidlik xiyabanı, Sәddülbahir qalası, şәhidlәr abidәsi dә şәhәrin görmәli yerlәrindәndir.
Anzak әsgәrlәrinin çox sayda itki verdiyi Anzak kәndindә hәr ilin 25 aprel tarixindә yadetmә mәrasimlәri keçirilir. Bir-biri ilә toqquşan tәrәflәrin nәvәlәri mәrasimә qatılırlar. Qelibolu Milli Parkı dünyanın әn çox ziyarәt edilәn milli parkları sırasındadır.
Әziz oxucularımız Türkiyәyә yolunuz düşәn zaman Çanaqqala şәhәrindәki Qelibolu Milli Parkını vә UNESKO-nun mәdәni irsi siyahısına daxil edilәn Troya antik şәhәrini dә görmәyinizi tövsiyә edirik.
Әlaqәli Xәbәrlәr
Qəhrəman qadınlarımız - Mihir Müşviq
Asya İstanbul Rəsm və Heykəl Muzeyi gəzintisinə həvəssiz qatılmışdı.