Türkiyənin ilk sənaye muzeyinin Haliçdə olduğunu bilirsinizmi?

  1994-cü ildə açılan bu Rəhmi Qoç Muzeyi (Rahmi Koç Müzesi) İstanbulun Haliç sahilində, təməlləri Bizansa söykənən tarixi Lengerhane binasında qurulub.

  Rəhmi Qoçun fərdi səylərilə gətirilən əşyalarla daim zənginləşən muzeydə 13-cü əsrdə göy cisimlərinin izləyən teleskopdan tutmuş 20-ci əsr Harley Davidson motosikletinə qədər 7-8 yüz illik bütün antik texniki əsərlər vardır.

  Həm öyrətmək, həm əyləndirmək məqsədi daşıyan Rəhmi Qoç klassik muzeyi əngəlli insanların da xüsusi liftlərlə gəzə bildiyi bir məkandır. 

  Muzeyə gələn kiçikli-böyüklü qonaqlar gündəlik həyatda istifadə etdikləri texnik əşyaların işləmə mexanizmi ilə də burada tanış ola bilirlər.