Türk Dünyasından Xəbərlər
“Türk Dünyasından Xəbərlər” bölümündə Türk Dünyasında baş verən hadisələr barəsində söhbətimiz olacaq.
Proqramımızın ilk xəbəri Azərbaycanla bağlıdır. Azərbaycanda 2017-ci il İslam Həmrəyliyi İli elan olunub.
Bunu Azərbaycan Prezidenti İlham Әliyev Nazirlər Kabinetinin 2016-cı ilin sosial-iqtisadi inkişafının yekunlarına və qarşıda duran vəzifələrə həsr olunan iclasında deyib.
İclasda çıxıs edәn Azәrbaycan Prezidenti İlham Әliyev xaricdәn kömәk olmasa Ermәnistanın Azәrbaycan qarşısında bir hәftә belә dayana bilmәyәcәyini qeyd edib.
Aprel ayında baş verәn toqquşmalarda Azәrbaycanın yenidәn gücünü nümayiş etdirdiyini vә parlaq qәlәbә qazandığını ifadә edәn Prezident İlham Әliyev bunun Azәrbaycanın heç vaxt torpaqlarının işğalı ilә barışmayacağını bir daha göstәrdiyini bildirib.
İlham Əliyev: "Biz bütün təxribatlara layiqincə cavab verəcəyik. Eyni zamanda Ermənistanın illər ərzində yaratdığı yalan puç oldu.
Onlar özləri də, xaricdən kömək almadan qarşımızda bir həftə də dayana bilmәyәcәklәrini etiraf edirlər" deyib.
Prezident İlham Әliyev 2017-ci ilin Azərbaycan Respublikasında “İslam Həmrəyliyi İli” elan edilməsi haqqında sərəncam imzalayıb.
Azərbaycanın uzun əsrlərdən bəri İslam sivilizasiyasının əsas mərkəzlərindən biri olduğunu deyәn Azәrbaycan prezidenti İlham Әliyev bunları qeyd edib: "İslam Əməkdaşlıq Təşkilatı rəhbərlərinin bizim ölkə haqqında nə dediyinə, necə qiymətləndirdiyinə baxın. Bəzən bir biri ilə razılaşmayan Müsəlman ölkələri də bizə böyük hörmət bəsləyirlər. Bizim siyasətimiz budur. Bizim siyasətimiz səmimidir, doğrudur, ədalətlidir, prinsipial və cəsarətlidir. Bütün bunları nəzərə alaraq mən 2017-ci ili Azərbaycanda "İslam Həmrəyliyi İli elan edirəm"
Hörmətli oxuçularımız ikinci xəbərimiz Türkmənistanla bağlıdır.
Türkmәnistan 5-ci Asiya Olimpiya oyunlarına ev sahibliyi etmәyә hazırlaşır.
5-ci Asiya Olimpiya oyunlarının kompleks hazırlıqlarını böyük bir qismini tamamlayan Türkmәnistan ötәn günlәrdә oyunların marka simvolu vә talismanını müәyyәn edib.
Belә ki, oyunların talismanı idman forması geyinmiş "Alabay" iti, marka simvolu isә ipək yolu ərazisindən keçən karvan fiquru olub.
Yanvarın 10-da ölkәnin müxtәlif bölgәlәrindә olimpiyadaya hazırlıq tәdbirlәri keçirilib.
Tədbirlər çərçivəsində 17 atlı igid Türkmənistan bayrağı, olimpiya bayrağı və məşəllə ölkənin bütün vilayətlərini və mühüm mərkəzlərini dolaşır.
Atlıların yürüşü Aşqabaddakı tarixi Nusay qalasından başlayıb.
Atlılar ölkәninin Ahal, Balkan vә Daşoğuz әyalәtlәrini dolaşaraq әmanәtlәri ordakı atlılara tәslim ediblər.
Lebab әyalәtindәki atlılar Daşoğuz igidlәrindәn tәhvil aldıqları Türkmənistanın milli bayrağı, olimpiya bayrağı və mәşәli Marililerə ötürəcəklər. Son olaraq әmanәtlәr sentyabrın 17-dә Aşqabaddakı olimpiya stadionuna gәtirilәcәk.
Hörmətli oxuçularımız son xәbәrimiz Qazaxıstanla bağlı olsa da bütün Türküstan bölgәsi üçün maraqlıdır.
2017-ci ildә Orta Asiyanın әhalisi 70 milyonu ötәcәk.
Bunu Qazaxıstan Strateji Araşdırmalar İnstitutunun direktoru Erlan Karin deyib.
‘‘ 2017-ci il demoqrafik inkişaf baxımından Orta Asiya üçün dönüş ili olacaq. Yeni ildə Orta Asiya əhalisi 70 milyona çatacaq. Bəlkə dә bu rəqəmi ötəcək" deyə direktor bildirib.
Erlan Karinin sözlərinə görә bu çox vacibdir, çünki 25 bundan il əvvəl Orta Asiyanın əhalisi 50 milyon idi. Yəni 25 ildə 34 % artım müşahidә olunub.
Ölüm hallarının azalması, orta ömür müddətinin uzunluğu və regionda doğum nisbətinin artması sәbәbiylә әhalinin artdığını bildirən qurum rəsmisi "Bu tendensiya sonrakı illərdə də davam edəcəkdir" – deyib.
Qazaxıstan Strateji Araşdırmalar İnstitutunun direktorunun fikrincә Orta Asiya ölkələrinin rəhbərlikləri sosial-iqtisadi və digər sahələrdə siyasətlərini formalaşdırmaq mərhələsində bu inkişafı da nəzərə almalıdır.