Ekvadorda “Türkiyə gözəllikləri”

  Cənubi Amerika ölkəsi Ekvadorda Türkiyə Cümhuriyyətinin 100 illiyi tədbirləri çərçivəsində “Türkiyə gözəllikləri” sərgisi açılıb.

  Dünyanın müxtəlif şəhərlərində 15 dəfə keçirilən “Türkiyə gözəllikləri” sərgisi Latın Amerikasında ilk dəfə Kitoda təşkil edilib.

  Türkiyənin ayrı-ayrı rayonlarındakı təbii, memarlıq və tarixi gözəlliklərinin təqdim edildiyi sərginin açılışında Ekvadorun mədəniyyət və irs naziri Romina Munoz, Türkiyənin Ekvador səfiri Makbule Başak Yalçın, bir çox ölkənin diplomatik nümayəndələri və ölkədə yaşayan türklər iştirak ediblər.

  Nazir R.Munoz buradakı çıxışında xüsusilə son bir ildə təşkil edilən tədbirlər sayəsində Türkiyə mədəniyyətinin Ekvador xalqına daha da yaxınlaşdığını və bundan çox məmnun olduqlarını bildirib.

  Səfir M.B.Yalçın Ekvador xalqının Türkiyə mədəniyyətinə göstərdiyi sıx marağa diqqət çəkərək cümhuriyyətin ikinci əsrində bu sevgi ilə cavabdan xoşbəxtlik duyduqlarını söyləyib.