Hüseyn Turna beynəlxalq yarışmanın ən yüksək mükafatına – Qran-Priyə layiq görülüb

Hacettepe Universiteti Ankara Dövlət Konservatoriyasının tələbəsi Hüseyn Turna klassik musiqi sənətçilərinin qatıldığı beynəlxalq yarışmanın ən yüksək mükafatına – Qran-Priyə layiq görülüb.

Sentyabr ayında Azərbaycanın paytaxtı Bakıda İslam ölkələri arasında təşkil olunan 11-ci Beynəlxalq Klassik Musiqi Sənətçiləri Müsabiqəsi keçirilib.

Müxtəlif ölkələrdən bir çox sənətçinin qatıldığı yarışmada Hacettepe Universiteti Ankara Dövlət Konservatoriyası tələbəsi Hüseyn Turna Qran-pri qazanıb.

Eyni yarışmada 13 yaşlı Neris Ece Atış da skripka kateqoriyasında 23 sənətçi arasında ilk 5-ə daxil olaraq əhəmiyyətli bir uğura imza atıb.

Qran-Pri mükafatının sahibi Turna bir çox sənətçilər arasından seçildiyinə və baş mükafata layiq görüldüyünə görə xoşbəxt olduğunu bildirib və bu mükafatın onu iddialı etdiyini və müxtəlif müsabiqələrdə iştirak etmək fikrində olduğunu bildirib.

Neris Ece Atış da skripka təhsilinə 10 yaşında başladığını və yarışmada ilk 5-də olmağın onun üçün yaxşı təcrübə olduğunu bildirib:

“Xaricdə də yaxşı təhsil alıb özümü hazırlamaq istəyirəm”.

Turna və Atışın təhsilini üzərinə götürən Prezident Simfonik Orkestrinin (CSO) skripkaçısı Tuğba Tamer Türeli də Qran-Prinin ən yüksək mükafat olduğunu xatırladıb və Türkiye adından buna nail olmaqdan qürur duyduqlarını bildirib.