‘‘Saraybosnanın Qəlbi" mükafatı uğrunda 53 film mübarizә aparacaq
25-ci Saraybosna Film Festivali 16-23 avqust tarixlәri arasında Bosniya vә Herseqovinada keçirilәcәk.
25-ci Saraybosna Film Festivali 16-23 avqust tarixlәri arasında Bosniya vә Herseqovinada keçirilәcәk.
‘‘Saraybosnanın Qəlbi" mükafatı uğrunda 9 uzun metrajlı, 14 qısa metrajlı, 16 sənədli film başda olmaqla 53 film mübarizә aparacaq. Mәlumata görә, festival Saraybosnadakı tarixi Milli Teatr binasında baş tutacaq.
Festivalda Bosniya vә Herseqovina ilә yanaşı, Türkiyə, Albaniya, Avstriya, Azərbaycan, Bolqarıstan, Xorvatiya, Cənubi Kipr, Yunanıstan, Gürcüstan, Macarıstan, Kosovo, Şimali Makedoniya, Malta, Ermәnistan, Moldova, Monteneqro, Rumıniya, Serbiya və Sloveniya filmlәri dә nümayiş olunacaq.
Bosniya və Herseqovinada 1992-1995-ci illərdə baş verən qanlı müharibənin izlərini silmək və paytaxt Saraybosnanı yenidən mədəniyyət vә sәnәtin beşiyinә çevirmәk məqsədilə keçirilәn festival çәrçivәsindә 26 filmin ilk premyerası da olacaq.
Festivalda bu günə qədər Robert de Niro, Ancelina Jolie, Bred Pitt, Orlando Bloom, Daniel Kreyq, Con Malkovich, Morqan Freeman, Jerar Depardieu və Nuri Bilgə Ceylan kimi çox sayda aktyor iştirak ediblәr.
Әlaqәli Xәbәrlәr
2024-cü ilin ilk 2 ayında Türkiyəyə ən çox turist hansı ölkələrdən gəlib?
Türkiyə Mədəniyyət və Turizm Nazirliyinin turizm statistikasından toplanan məlumatlara görə ...