ABŞ-dan Rusiya mesajı: Daha çox iqtisadi sanksiya qərarları qəbul edilə bilər

ABŞ Milli Təhlükəsizlik Müşavirinin müavini Daleep Sinq bildirib ki, ABŞ hələ də sanksiyaları genişləndirə bilər və Rusiya iqtisadiyyatında böhran pik həddinə çata bilər.
"CBS" telekanalının “60 Minutes” proqramına müsahibəsində Sinq deyib ki, Rusiya artıq “iqtisadi uçuruma baxır” və “sürətlə 80-ci illərə bənzər sovet həyat standartlarına doğru irəliləyir”.

Artıq qüvvədə olan iqtisadi zərərverici sanksiyalara baxmayaraq, Sinq onların hələ də genişləndirilə və daha çox bank və “toxunulmamış sektorlar” daxil olmaqla digər hədəflərə tətbiq oluna biləcəyini söyləyib.

"Əsasən neft və qazla bağlıdır, lakin başqa sektorlar da var. Bunları qeyd etmək istəmirəm, amma düşünürəm ki, Putin bunların nə olduğunu bilir", - Sinq deyib.

O qeyd edib ki, proqnozlar göstərir ki, Rusiya iqtisadiyyatı Ukraynanın işğalından əvvəlki iqtisadiyyatın yarısı olacaq.