Rusiyaya ən çox mandarin ixrac edildi

Türkiyədən Rusiyaya bu ilin 11 aylıq dövründə 214 milyon 698 min 494 dollarlıq sitrus meyvələri ixrac edildi.

Şərq Qara dəniz İxracatçılar Birliyinin məlumatlarına görə, yanvar-noyabr dövründə Rusiyaya 393 min 548 ton sitrus meyvəsi satıldı.

214 milyon 698 min 494 dollarlıq sitrus ixracında xarici valyuta girişi təmin edilərkən, 230 min 352 tonla mandarin ilk sırada yer aldı. Bu meyvənin xarici satışından 117 milyon 923 min 287 dollar qazanıldı.

Bu dövrdə Rusiyaya 54 milyon 947 min 966 dollar limon və 23 milyon 710 min 346 dollar portağal ixrac edildi.

Həmin dövrdə Şərqi Qara dənizdən bu ölkəyə 40 milyon 564 min 262 dollar müqabilində 73 min 383 ton sitrus meyvəsi satıldı.