Cari ildə Bakı-Tbilisi-Ərzurum kəməri ilə 7,4 milyard kubmetr təbii qaz ötürülüb

Cari ilin yanvar-noyabr aylarında Azərbaycandakı magistral qaz kəmərləri ilə 20 milyard 919,1 milyon kubmetr təbii qaz nəql edilib və əvvəlki ilin müvafiq dövrünə nisbətən 5,3 faiz artım müşahidə olunub.

Azərbaycan Dövlət Statistika Komitəsinin məlumatına görə, on bir ayda qaz nəqlinin 35,7 faizi Bakı-Tbilisi-Ərzurum (Cənubi Qafqaz Boru Kəməri - CQBK) boru kəməri vasitəsilə həyata keçirilib. Hesabat dövründə bu kəmərlə 7 milyard 463,9 milyon kubmetr təbii qaz göndərilib.

Mənbə:azertag