İranda valyuta manipulyasiyası edənlərin bir qismi tutuldu

İranda valyuta bazarında manipulyasiya edən 45 nəfər tutulub.

  Məhkəmə hakiminin müavini və sözçüsü Qulam Hüseyn Möhsüni Ecei məsələ ilə bağlı istintaqdan sonra şübhəlilərdən bəzilərinin girovla sərbəst buraxıldığını bildirib. O deyib: “Bura qədər 45 nəfər həbs olunub. Onlar ən qısa zamanda məhkəməyə çıxarılacaq.”

  Qeyd edək ki, İran Mərkəzi Bankı Valyuta Heyətinin sədr müavini Əhməd İrakçi bir neçə gün əvvəl rüşvəxtorluq ittihamı ilə həbs olunub və vəzifəsindən azad edilib.