Neft yenidən ucuzlaşmağa başladı

Küveytdə neft istehsal edən fəhlələrin tətili dayandırması dünya bazarında neftin yenidən ucuzlaşmasına səbəb olub. Məlumata görə, London əmtəə birjasında “Brent” markalı neftin 1 barrelinin qiyməti 0,88 dollar və yaxud 2% azalaraq 43,15 dollar təşkil edib. Nyu-York birjasında isə “WTI” markalı qara qızılın hər barreli 0,97 dollar və yaxud 2,36% ucuzlaşaraq 40,11 dollar təşkil edib.

Aprelin 19-da London əmtəə birjasında “Azeri Light” markalı Azərbaycan neftinin 1 barreli 44,43 dollara satılıb. Məlumata görə, bu, aprelin 18-də qeydə alınmış qiymətdən 1,01 dollar və 2,33% çoxdur.