Azǝrbaycanlı turistlǝr ǝn çox Antalya, İstanbul vǝ Kapakodyanı gǝzirlǝr

Türkiyǝdǝ turizm sektoru yeni bazarlar cǝlb etmǝk mǝqsǝdilǝ fǝaliyyǝtlǝrini davam etdirir.

Türkiyǝ Otelçilǝr Birliyi (TÜROB) mövcud bazarlarla yanaşı daha kiçik miqyaslı bazarları da cǝlb etmǝk mǝqsǝdilǝ dünyanın müxtǝlif ölkǝlǝrindǝki sǝrgi vǝ turizmlǝ bağlı tǝdbirlǝrdǝ fǝaliyyǝtlǝrini davam etdirir.

Son olaraq Cǝnubi Amerika, Afrika vǝ Azǝrbaycanda sǝrgilǝrǝ qatılan TÜROB Rǝhbǝrliyi yeni ölkǝlǝrlǝ bu sahǝdǝ ǝlaqǝ yaratmaq üçün konkret addımlar atıb.

TÜROB-un üstünlük verdiyi bazarlardan biri Azǝrbaycandır. Bakıda tǝşkil edilǝn Azǝrbaycan Beynǝlxalq Turizm sǝrgisilǝ ǝlaqǝli düşüncǝlǝrini dilǝ gǝtirǝn Birliyin Baş katibi Uygar Koçaş Azǝrbaycanda ǝn çox ziyarǝt edilǝn ölkǝnin Türkiyǝ olduğunu söylǝyib.

Koçaş deyib ki, Azǝrbaycanlı turistlǝr ǝn çox Antalya, İstanbul vǝ Kapakodyanı gǝzmǝyǝ üstünlük verirlǝr.

Cǝnubi Afrikanın Cape Town şǝhǝrindǝ tǝşkil edilǝn (WTM) Beynǝlxalq Afrika sǝrgisinǝ qatılan TÜROB Rǝhbǝrliyinin icra heyǝti üzvü vǝ koordinatoru Kasım Zoto Nigeriya başda olmaqla ǝtrafdakı ölkǝlǝrdǝn halal turizmlǝ ǝlaqǝli diqqǝt cǝlb edǝn istǝklǝrin vǝ sualların olduğunu vurğulayıb.

Türk Hava Yollarının Cape Town, Durban vǝ Johanesburg şǝhǝrlǝrindǝn İstanbula tǝyyarǝlǝrin dolu gǝldiyini qeyd edǝn Zoto Cǝnubi Afrikadan keçǝn il Türkiyǝyǝ 47 min, bütün Afrika qitǝsindǝn isǝ 885 min turist gǝldiyini söylǝyib.