Beynǝlxalq Valyuta Fondundan (BVF) Yunanıstana tǝklif

Fondun sǝdri Kristin Lagard (Christine Lagarde) Yunanıstandakı prosesi yaxından izlǝdiklǝrini bildirǝrǝk istǝnǝcǝyi halda yardım etmǝyǝ hazır olduqlarını açıqlayıb.
Yunanıstanda referendumda “yox” sǝsi verilmǝsindǝn sonra ölkǝnin siyasi partiya liderlǝri prezident Prokopis Pavlopulosun başçılığı ilə yığıncaq keçirilib.
Yığıncaqdan sonra Baş nazir Aleksis Çipras jurnalistlǝrin tǝkidlǝrinǝ baxmayaraq açıqlama vermǝyib.
Koalisiya hökumǝtinin kiçik ortağı Müstǝqil Yunanlar (ANEL) Partiyasının sǝdri vǝ Müdafiǝ naziri Panos Kammenos yunanların referendumda hǝmrǝy olduqlarını ortaya qoyduqlarını söylǝyib.
Sabiq Xarici İşlǝr nazirinin müavini Efklidis Çakalyotos Yanis Varufakisin istefa etmǝsindǝn sonra maliyyə naziri tǝyin edilib.
Digǝr tǝrǝfdǝn Fransa prezidenti Olland vǝ Almaniya kanslǝri Merkel Yunanıstandakı referendum nǝticǝlǝrini dǝyǝrlǝndirmǝk mǝqsǝdilǝ Parisdǝ bir araya gǝlib.
Olland Yunanıstan üçün müzakirǝ qapısının açıq olduğunu bildirdikdǝ, Merkel deyib ki, vaxt azalıb, Çipras tǝklifini tǝqdim etmǝlidir.