"Axiom Space" şirkəti Alper Gezeravcı ilə canlı bağlantı qurub

"Axiom Space" şirkəti Beynəlxalq Kosmik Stansiyada Türkiyenin astronavtı Alper Gezeravcı ilə canlı bağlantı ilə görüş keçirib.

Amerika Birləşmiş Ştatlarının (ABŞ) Texas ştatındakı "Axiom" inkişaf obyektindən orbital laboratoriyadakı astronavtlarla canlı ünsiyyət saxlayan Sonya Qavankar MaykKay "Ax-3" komandiri Mişel Lopez Alegria və kosmik gəmisi üzrə mütəxəssisi Alper Gezeravcı ilə söhbət edib.

MaykKay Alper Gezeravcıya "Qanadsız uçmaq necə hissdir?" sualını verib.

Gezeravcı " Qanadlara ehtiyac duymadan və hər hansı məhdudiyyət olmadan bütün məkanı bütün ölçülərdə istifadə edə bilmək və dördüncü ölçüdən xəbərdar olmaq inanılmazdır" deyə cavab verib.

Gezeravcı "Yer kürəsini ilk gördüyünüz yer harada idi? sualına isə 

“Xoşbəxtlikdən bu, İndoneziya idi. Okeanda bəzi adalar var idi. Çox gözəl idilər. Onlar bu gözəl okeanın ortasında parlayırdılar. Ətrafa səpələnmiş buludların gözəl ağlığı ilə gözəl rəng harmoniyası. Bu inanılmaz hissdir. Həm onu ​​ilk gördüyün an, həm də Yerin əyriliyi” cavabını verib.

Maykkay: "Alper, orda işləməyə başlamısan?" sualını verəndə isə Gezeravci deyib:

"Bəli, artıq başlamışıq. Biz artıq hazırlaşmışdıq".

Gezeravcı gəmiyə hansı şəxsi əşyaları apardığı soruşulanda isə belə deyib:

"Türk köçəri mədəniyyətinin bəzi simvollarını gətirmişəm. Bir neçə ailə fotoşəkili və ilk donanmamın uçuş yastıqları. Bunlar gətirdiyim əşyalardır. Məni bura gətirən isə bayrağımdır".