Bu ölkələr arasında peyk sistemlərinin qarşılıqlı yerləşdirilməsi haqqında saziş imzalanıb

Rusiya və Çin arasında Rusiya istehsalı olan GLONASS və Çin istehsalı olan Beidu peyk yerləşdirmə sistemlərinin qarşılıqlı yerləşdirilməsi haqqında saziş imzalanıb.

Saziş Rusiya-Çin Peyk Yerləşdirmə Strateji Əməkdaşlıq Layihələri Komitəsinin videokonfrans vasitəsilə keçirilən iclasında imzalanıb.

Müqavilə çərçivəsində Çində Rusiyanın GLONASS sistemləri, Çin istehsalı olan Beidou sistemləri isə Rusiyada quraşdırılacaq.

Üç Rusiya ölçmə stansiyası Çinin Çanqçun, Urumçi və Şanxay şəhərlərində, Çinin ölçmə stansiyaları isə Rusiyanın Obninsk, İrkutsk və Petropavlovsk-Kamçatski şəhərlərində yerləşdiriləcək.