Çin Yerin zondlanması üçün orbitə növbəti 3 peykini çıxarıb

Çin Yerin məsafədən yüksək görüntü ilə zondlanması üçün “Yaogan” sinfi üç ədəd peykini orbitə çıxarıb. 

Çinin "Sinxua" xəbər agentliyinin xəbərinə görə, Çin Yerin məsafədən yüksək görüntü ilə zondlanması üçün 3 ədəd “Yaogan-35” peykini orbitə çıxarıb.

Peyklərin planlaşdırılan orbitə çatdığı bildirilib.

Fırlatma "Long March" raketləri ilə həyata keçirilən 424-cü uğurlu missiya olub.

Uzaqdan zondlama xüsusiyyətinə malik optik peyklərin torpaq ehtiyatlarının monitorinqi, şəhərsalma, məhsulun proqnozlaşdırılması, fəlakətlərin qarşısının alınması və mühafizəsi işlərinə dəstək verməsi hədəflənir.

Xatırladaq ki, Çin noyabrın 6-da Yerin məsafədən yüksək görüntü ilə zondlanması üçün 3 ədəd “Yaogan-35” peykini orbitə çıxarıb.