NASA: “Yer üzünə üç astreoid yaxınlaşır”
Yer kürəsi üçün “potensial təhlükə” yaradan 3 asteroidin yaxınlaşdığı bildirilir.
1550521
Amerika Birləşmiş Ştatları Aerokosmik Agentliyi NASA-nın Yerə Yaxın Obyekt Tədqiqatları Mərkəzi (CNEOS) "potensial təhdid" olaraq təsnif etdiyi 3 asteroidin yaxınlaşdığını açıqlayıb.
CNEOS hesablamalarına görə, asteroidlər 25 dekabrda Yerə ən yaxın nöqtədə olacaq. Bunlardan ən böyüyü təxminən 200 metr diametrdədir və Yerdən təxminən 3 milyon kilometr məsafədə keçəcəkdir.
'501647' (2014 SD224) adı verilən asteroid son dəfə 2020-ci ilin yanvarında Yer kürəsinə yaxınlaşıb. Növbəti dəfə 2021-ci ilin dekabrında Yerin yanından keçəcək.
Qeyd edək ki, NASA, 0.05 astronomik vahid hüdudlarına düşən və ən az 140 metr diametrə sahib olan bütün kosmik obyektləri "potensial təhdid" kimi təsnif edir.
