Yeni və maraqlı dizaynlı “iPone 8” gəlir

  “iPhone 8”-in barmaq izi ilə böyüyən ekranını göstərən yeni görüntülər internetdə yayılmağa başladı.

  “iPhoneros” saytında çıxan fotoşəkillərə görə yeni görüntülər “iPhone 8”i olduğu kimi göstərir. Ekranın kənarları çox incə deyil, ancaq əvvəlki “iPhone”lardan fərqlənir. “iPhone 8” “iPhone 7” ilə “7 Plus” arasında bir keçid telefonu təsiri bağışlayır.

  Telefonun üz səthi yalnız ekran, arxasında isə çıxıntılı cüt kamera, mikrofon yuvası və kiçik flaş modulu var. “Apple” loqosunun altında isə “Touch ID” barmaq izi sensoru var.

  Yeni telefonlarını ilin sonuna doğru tanıdıb yayacaq “Apple” xüsusi dizaynlı yeni “iPhone 8”-i 1000 dollardan artıq qiymətə satmağı planlayır.