İsveçrədə Ukrayna Sülh Konfransı keçiriləcək
İsveçrə Konfederasiyasının sədri Viola Amherd paytaxt Berndə olacaq tədbirlə bağlı keçirdiyi mətbuat konfransında deyib ...
![İsveçrədə Ukrayna Sülh Konfransı keçiriləcək](http://cdn.trt.net.tr/images/xlarge/rectangle/5bea/fd35/f228/66670b8c7b2e5.jpg?time=1722045495)
İyunun 15-16 tarixlərində İsveçrədə keçiriləcək Ukrayna Sülh Konfransında 90 ölkə və beynəlxalq təşkilat iştirak edəcək.
İsveçrə Konfederasiyasının sədri Viola Amherd paytaxt Berndə olacaq tədbirlə bağlı keçirdiyi mətbuat konfransında deyib: “90 ölkə və təşkilatın konfransda iştirak edəcəkləri təsdiqlənib. Təxminən yarısı Avropadan olan iştirakçı ölkələrin yarısı ən yüksək səviyyədə dövlət başçısı, qalanları isə nazirlər səviyyəsində təmsil olunacaq.
15-16 iyun tarixlərində İsveçrənin Nidvalden kantonunun Bürgenstok qəsəbəsində keçiriləcək Ukrayna Sülh Konfransında Rusiya ilə Ukrayna arasında 2022-ci ilin fevral ayından bəri davam edən müharibə üçün beynəlxalq hüquqa əsaslanan daimi sülhün əldə edilməsi yolları müzakirə ediləcək.
İsveçrə rəsmiləri bildirirlər ki, konfransın məqsədi sülh danışıqlarının əsasını qoymaqdır.