UNEP "Beynəlxalq Sıfır Tullantı Günü" münasibətilə hesabat yayımladı

2022-ci ildə dünyada gündə 1 milyarddan çox yeməyin israf ediləcəyi müəyyən edilib.
Birləşmiş Millətlər Təşkilatının Ətraf Mühit Proqramı (UNEP) "Beynəlxalq Sıfır Tullantı Günü" ilə bağlı Qida Tullantıları İndeksi 2024 Hesabatını dərc edib.
Hasabata əsasən,  2022-ci ildə 1,05 milyard tondan çox qida tullantıları istehsal olunub ki, bu da adambaşına 132 kiloqrama və bütün dünyada istehlak edilən qidanın hər 5-dən 1-nə bərabərdir.
2022-ci ildə qlobal miqyasda gündə 1 milyarddan çox yemək israf edilib, təxminən 783 milyon insan aclıqla mübarizə aparır və dünyanın hər 3-də 1-i qida  çatışmazlığı ilə üzləşir.
Qida israfı illik istixana qazı emissiyalarının təxminən 10 faizini təşkil etdiyi halda, bu nisbət aviasiya sənayesinin təxminən 5 qatına bərabərdir. Tullantıların dəyəri təxminən 1 trilyon dollardır.
UNEP-ın icraçı direktoru İnqer Andersen deyib: "Ərzaq israfı bütün dünyada belə davam edərsə, milyonlarla insan ac qalacaq".
Qida israfının da iqlimə və ətraf mühitə mənfi təsir etdiyini bildirən Andersen ölkələri bu vəziyyətin qarşısını almağa çağırıb.