Entoni Blinken Səudiyyə Ərəbistanı və Misirdə görüşlər keçirəcək

Amerika Birləşmiş Ştatlarının (ABŞ) dövlət katibi Entoni  Blinken Qəzzada mümkün atəşkəs üçün Səudiyyə Ərəbistanı və Misirdə görüşlər keçirəcək.
Entoni Blinken Filippinə səfəri zamanı mətbuata bir daha Yaxın Şərqə gedəcəyini açıqlayıb.
Entoni Blinken Qəzzada davam edən böhrana həll yolu tapmaq və davam edən atəşkəs danışıqlarını sürətləndirmək üçün bu gün Səudiyyə Ərəbistanının Ciddə şəhərinə, cümə axşamı isə Misirin paytaxtı Qahirəyə səfər edəcəyini bildirib.
Entoni Blinken İsrailə gedib-getməyəcəyi ilə bağlı heç bir açıqlama verməyib.